ការផ្ដល់ប្រាក់បៀវត្សតិចតួចដល់គ្រូបង្រៀន ជាកត្តាឱ្យពួកគាត់ខ្វះឆន្ទៈ និងទឹកចិត្តបង្រៀនឱ្យបានគ្រប់គ្រាន់ ហើយកំពុងធ្វើឱ្យវិស័យអប់រំពុទ្ធចក្រដើរថយក្រោយ ខណៈពេលសាលាពុទ្ធិកបឋមសិក្សា និងអនុវិទ្យាល័យ បានបិទទ្វារជាបន្តបន្ទាប់។
សមាគមសុខាភិបាលខ្មែរនៅអាមេរិកាំង បានដឹកនាំក្រុមវេជ្ជបណ្ឌិត គ្រូពេទ្យ និងពលរដ្ឋខ្មែររស់នៅអាមេរិកស្ម័គ្រចិត្តជិត២០០នាក់ ដើម្បីផ្តល់ការពិនិត្យ និងព្យាបាលជំងឺស្រ្តី ជំងឺមាត់ធ្មេញ វះកាត់ជំងឺភ្នែក និងជំងឺទូទៅ ព្រមទាំងផ្តល់ថ្នាំដោយឥតគិតថ្លៃ ចំពោះពលរដ្ឋនៅស្រុកមង្គលបុរី ខេត្តបន្ទាយមានជ័យ។
ក្រោមពាក្យស្លោក«ចែករំលែកក្តីស្រលាញ់ ចែករំលែកសៀវភៅ» បានជំរុញឆន្ទៈព្រះសង្ឃ អ្នកនិពន្ធ យុវជនមួយក្រុមឱ្យធ្វើយុទ្ធនាការមួយដែលមានឈ្មោះថា«មនុស្ស១នាក់ សៀវភៅ១ក្បាល ឬជាភាសាអង់គ្លេសថា One Person One Book» ក្នុងគោលបំណងកៀរគរប្រមូលសៀវភៅឱ្យបានមួយសែនក្បាល ដើម្បីផ្តល់ទៅឱ្យបណ្ណាល័យចំនួន ១០ក្នុងប្រទេសកម្ពុជា។
បើទោះបីជាព្រៃព្រះរការ ដែលមានទំហំជិត១០ម៉ឺនហិកតា គ្របដណ្ដប់ទៅលើស្រុកចំនួន៣នៃខេត្តព្រះវិហារ ត្រូវបានរាជរដ្ឋាភិបាលដាក់បញ្ចូលជាតំបន់អភិរក្សទៅហើយក្ដី ប៉ុន្តែប្រជាសហគមន៍នៅតែរកឃើញថា បទល្មើសបន្តកើតមានឥតស្រាកស្រាន្ត ហើយបទល្មើសទាំងនោះកើតមានដោយសារមានកិច្ចសហការរវាងមន្ត្រី និងជនល្មើស។
ផ្លូវមួយខ្សែដែលមានប្រវែង២៤គីឡូម៉ែត្រ និងទទឹងប្រហែល៣ម៉ែត្រ ព័ន្ធជុំវិញសង្កាត់កោះដាច់ ខណ្ឌជ្រោយចង្វារ រាជធានីភ្នំពេញ ជាប្រភេទផ្លូវចាក់បេតុងពាក់កណ្ដាល និងក្រួសក្រហមពាក់កណ្ដាល ដោយប្រើប្រាស់លុយរដ្ឋក្នុងការសាងសង់។
ការរំឭកនឹកគុណដល់ព្រះគុណសម្បត្តិនិងស្នាព្រះហត្ថនានារបស់សម្ដេចព្រះសង្ឃរាជ ជួន ណាត នៅតែបន្តមាន និងបន្តដក់ជាប់ក្នុងក្រអៅបេះដូងរបស់ព្រះសង្ឃ ពុទ្ធបរិស័ទ និងពលរដ្ឋខ្មែរជានិច្ច បើទោះបីជាព្រះអង្គបានសុគតអស់រយៈពេលជាងកន្លះសតវត្សរ៍ហើយក្ដី។
ក្រសួងកសិកម្ម រុក្ខាប្រមាញ់ និងនេសាទ បញ្ជាក់ថា ក្នុងរយៈពេល៧ខែដើមឆ្នាំ២០២១នេះ កម្ពុជានាំចេញអង្ករទៅក្រៅប្រទេសមានការថយចុះខ្លាំង ស្របពេលប្រជាកសិករមួយចំនួនត្អូញត្អែរពីតម្លៃស្រូវចុះថោកនិងពិបាករកទីផ្សារលក់ស្រូវរបស់ខ្លួននៅរដូវប្រមូលផលខាងមុខ។
លោកនាយករដ្ឋមន្ត្រី ហ៊ុន សែន ប្រកាសថា បេសកកម្មចាក់វ៉ាក់សាំងប្រឆាំងជំងឺកូវីដ-១៩ដល់កុមារនិងយុវវ័យចាប់ពីអាយុ១២ឆ្នាំដល់១៧ឆ្នាំ គឺជាវិធានការមួយដើម្បីត្រៀមក្នុងការបើកសាលារៀនឡើងវិញនៅខែកញ្ញាឬតុលាខាងមុខ។
ប្រទេសស៊ុយអែត និងស្វីស បានផ្តល់ថវិកាជាង៤លានដុល្លារគាំទ្រដល់អង្គការ BBC Media Action ដើម្បីអនុវត្តគម្រោង “ការលើកកម្ពស់ការចូលរួមរបស់យុវជននៅក្នុងសហគមន៍-ក្លាហាន៩ SPACE”។
សមត្ថកិច្ចខេត្តកំពត កំពុងតាមរកចាប់ខ្លួនម្ចាស់សិប្បកម្មផលិតស្រាមួយកន្លែង ក្រោយពីមានមនុស្សយ៉ាងហោចណាស់៤នាក់បានស្លាប់ដោយសារពុលស្រាសដែលទិញមកពីសិប្បកម្មនោះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
