អ្នកជំងឺជិត២០នាក់ទៀតបានស្លាប់ដោយសារជំងឺកូវីដ-១៩ ដែលធ្វើឱ្យចំនួនអ្នកស្លាប់សរុបកើនឡើងជាង១ ១០០នាក់ ខណៈអ្នកឆ្លងថ្មីមានជាង៨០០នាក់ទៀត និងជាសះស្បើយជាង៧០០នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី២១ ខែកក្កដា ឆ្នាំ២០២១ បានឱ្យដឹងថា អ្នកស្លាប់ដោយ ជំងឺកូវីដ-១៩ កាលពីថ្ងៃម្សិលមិញ មានចំនួន១៩នាក់បន្ថែមទៀត និងករណីឆ្លងថ្មីមានចំនួន៨១២នាក់ ស្របពេលអ្នកជាសះស្បើយថ្មីមានចំនួន៧៤០នាក់។
បើតាមក្រសួងសុខាភិបាល គិតត្រឹមព្រឹកថ្ងៃពុធនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន៦៩ ៦០៨នាក់ ក្នុងនោះ អ្នកជំងឺព្យាបាលជាសះស្បើយសរុបមានចំនួន៦១ ៧៧៩នាក់ អ្នកស្លាប់សរុប១ ១៦៨នាក់ និងករណីនាំចូលពីក្រៅប្រទេសសរុប៧ ២២៤នាក់៕