មន្ត្រីសុខាភិបាលរកឃើញអ្នកឆ្លងជំងឺកូវីដ-១៩ថ្មីជាង៥០០នាក់ទៀតកាលពីថ្ងៃម្សិលមិញ និងមានអ្នកជំងឺ១៣នាក់បន្ថែមទៀតបានស្លាប់ដោយសារជំងឺនេះ ខណៈអ្នកជាសះស្បើយមានជាង១ ១០០នាក់។
សេចក្តីប្រកាសព័ត៌មានរបស់ក្រសួងសុខាភិបាល ថ្ងៃទី១៤ ខែមិថុនា ឆ្នាំ២០២១ បានឱ្យដឹងថា អ្នកស្លាប់ដោយ ជំងឺកូវីដ-១៩ កាលពីថ្ងៃម្សិលមិញ មានចំនួន១៣នាក់បន្ថែមទៀត និងករណីឆ្លងថ្មីមានចំនួន៥៤២នាក់ (ក្នុងនោះមានករណីឆ្លងនាំចូលពីក្រៅប្រទេសចំនួន៣៧នាក់) ស្របពេលអ្នកជាសះស្បើយថ្មីមានចំនួន១ ១០៩នាក់។
បើតាមក្រសួងជំនាញដដែលនេះ គិតត្រឹមព្រឹកថ្ងៃទី១៤ ខែមិថុនានេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន៣៨ ៩៦៩នាក់ ក្នុងនោះ អ្នកជំងឺព្យាបាលជាសះស្បើយសរុបមានចំនួន៣២ ៩៦៧នាក់ អ្នកស្លាប់ចំនួន៣៤៨នាក់ និងករណីនាំចូលពីក្រៅប្រទេសសរុប១ ៤០៩នាក់៕