ក្រសួងសុខាភិបាល រកឃើញអ្នកស្លាប់ដោយសារជំងឺកូវីដ-១៩ ចំនួន២នាក់បន្ថែមទៀតដែលធ្វើឱ្យចំនួនអ្នកស្លាប់បានកើនដល់ជិត១៦០នាក់ និងអ្នកឆ្លងថ្មីចំនួនជាង៣៤០នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី១៨ ខែឧសភា ឆ្នាំ២០២១ បានឱ្យដឹងថា កម្ពុជារកឃើញអ្នកស្លាប់ដោយសារជំងឺកូវីដ-១៩ថ្មី ចំនួន២នាក់បន្ថែមទៀត និងអ្នកឆ្លងថ្មីមានចំនួន៣៤៥នាក់។ ចំណែកករណីព្យាបាលជាសះស្បើយមានចំនួន១ ៣៣៧នាក់។
គិតត្រឹមព្រឹកថ្ងៃទី១៨ ខែឧសភា ឆ្នាំ២០២១នេះ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន២២ ៨៨៩នាក់ និងបណ្តាលឱ្យមានអ្នកស្លាប់ចំនួន១៥៦នាក់។ ដោយឡែក អ្នកជំងឺដែលព្យាបាលជាសះស្បើយសរុបចំនួន១៤ ៣៤៣នាក់ និងករណីនាំចូលពីក្រៅប្រទេសមានចំនួន៦៣៥នាក់៕