ក្រសួងសុខាភិបាលរកឃើញអ្នកស្លាប់ដោយសារជំងឺកូវីដ-១៩ ចំនួន៤នាក់បន្ថែមទៀត និងអ្នកឆ្លងថ្មីចំនួន៣៦០នាក់ ខណៈអ្នកព្យាបាលជាសះស្បើយមានចំនួនជិត៩០០នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី១៧ ខែឧសភា ឆ្នាំ២០២១ បានឱ្យដឹងថា កម្ពុជារកឃើញអ្នកស្លាប់ដោយជំងឺកូវីដ-១៩ថ្មី ចំនួន៤នាក់បន្ថែមទៀត និងអ្នកឆ្លងថ្មីមានចំនួន៣៦០នាក់។ ចំណែកករណីព្យាបាលជាសះស្បើយមានចំនួន៨៨៦នាក់។
គិតត្រឹមព្រឹកថ្ងៃទី១៧ ខែឧសភា ឆ្នាំ២០២១នេះ កម្ពុជារកឃើញអ្នកឆ្លងជំងឺកូវីដ-១៩ សរុបចំនួន២២ ៥៤៤នាក់ និងបណ្តាលឱ្យមានអ្នកស្លាប់ចំនួន១៥៤នាក់។ ដោយឡែក អ្នកជំងឺដែលព្យាបាលជាសះស្បើយសរុបចំនួន១៣ ០០៦នាក់ និងករណីនាំចូលពីក្រៅប្រទេសមានចំនួន៦៣៤នាក់៕