ក្រសួងសុខាភិបាល ឱ្យដឹងថា ពលករខ្មែរមកពីប្រទេសថៃចំនួន១១នាក់បានជាសះស្បើយពីជំងឺកូវីដ១៩ និងមិនមានករណីឆ្លងថ្មីនោះទេ កាលពីថ្ងៃម្សិលមិញ។
សេចក្តីជូនព័ត៌មានរបស់ក្រសួងសុខាភិបាល នៅថ្ងៃទី២១ ខែមករា ឆ្នាំ២០២១ បានលើកឡើងថា ពលករដែលជាសះស្បើយទាំង១១នាក់នោះជាអ្នករស់នៅខេត្តបន្ទាយមានជ័យ តាកែវ បាត់ដំបង និងរាជធានីភ្នំពេញ។
ក្រសួងបន្តថា មិនមានករណីវិជ្ជមានថ្មីជំងឺកូវីដ១៩ទេ នៅថ្ងៃទី២៦ ខែមករា ឆ្នាំ២០២១។
បើតាមក្រសួងសុខាភិបាល មានពលករខ្មែរមកពីថៃចំនួន៨៣នាក់ដែលបានរកឃើញថាបានឆ្លងជំងឺកូវីដ១៩ ក្រោយពីមានការឆ្លងរាលដាលខ្លាំងនៅខេត្តសាមុតសាខន ប្រទេសថៃ កាលពីអំឡុងខែធ្នូឆ្នាំមុន ក្នុងនោះបានព្យាបាលជាសះស្បើយចំនួន៥៦នាក់។
ដោយឡែក ចំពោះតួលេខអ្នកឆ្លងជំងឺនេះនៅទូទាំងប្រទេសវិញ ក្រសួងថា កម្ពុជាបានរកឃើញសរុប៤៦០នាក់ ក្នុងនោះព្យាបាលជាសះស្បើយចំនួន៤២៣នាក់ និងកំពុងសម្រាកនៅមន្ទីរពេទ្យចំនួន៣៧នាក់៕
