ក្រសួងសុខាភិបាលប្រកាសនៅព្រឹកថ្ងៃទី១១ខែមិថុនានេះថា ក្រសួងបានព្យាបាលអ្នកផ្ទុកមេរោគកូវីដ១៩ជាសះស្បើយចំនួន២នាក់បន្ថែម នាំឱ្យចំនួនអ្នកដែលជាសះស្បើយកើនដល់១៣៣នាក់។
នៅក្នុងសេចក្តីប្រកាសព័ត៌មានរបស់ក្រសួងសុខាភិបាលបញ្ជាក់ថា អ្នកដែលជាសះស្បើយទាំង២នាក់នោះជាបុរសជនជាតិខ្មែរគឺម្នាក់អាយុ២៣ឆ្នាំនៅខេត្តត្បូងឃ្មុំ និងម្នាក់ទៀតអាយុ១៥ឆ្នាំនៅខេត្តតាកែវ។ អ្នកទាំង២ធ្វើដំណើរមកពីប្រទេសម៉ាឡេស៊ី។
របាយការណ៍ក្រសួងសុខាភិបាលបង្ហាញថា គិតត្រឹមព្រឹកថ្ងៃសៅរ៍ទី១១ខែមិថុនា អ្នកផ្ទុកកូវីដ១៩មានចំនួន១៤១នាក់ ជាសះស្បើយ១៣៣នាក់ និង៨នាក់ទៀតកំពុងសម្រាកព្យាបាលនៅក្នុងមន្ទីរពេទ្យ៕