ក្រសួងការងារ និងបណ្តុះបណ្តាលវិជ្ជាជីវៈ បានប្រកាសអនុញ្ញាតឱ្យម្ចាស់រោងចក្រ សហគ្រាស ពន្យារពេលបើកប្រាក់បំណាច់អតីតភាពការងារសម្រាប់ឆ្នាំ២០១៩ និង២០២០ ទៅបើកឱ្យនៅឆ្នាំ២០២១វិញ។
សេចក្តីជូនដំណឹងរបស់ក្រសួងការងារនៅថ្ងៃអង្គារនេះ បញ្ជាក់ថា កម្មករ និយោជិត ដែលប្រើប្រាស់កិច្ចសន្យាការងារមានថេរវេលាមិនកំណត់ នឹងទទួលបានប្រាក់រំលឹកបំណាច់អតីតភាពការងារនៅឆ្នាំក្រោយ។
សេចក្តីជូនដំណឹង៖ «ការបើកប្រាក់បំណាច់អតីតភាពការងារដែលមានមុនឆ្នាំ២០១៩ និងប្រាក់បំណាច់អតីតភាពការងារក្នុងឆ្នាំ២០២០ ត្រូវបានពន្យារពេលក្នុងការអនុវត្តទៅឆ្នាំ២០២១»។
ក្រសួងក៏បានណែនាំដល់ម្ចាស់រោងចក្រ ឬសហគ្រាស ថា ក្នុងពេលពន្យារពេលនេះ ក៏ត្រូវទូទាត់ប្រាក់បំណាច់អតីតភាពការងារជូនកម្មករនិយោជិតផងដែរ នៅពេលមានការលាឈប់ ឬបញ្ចប់កិច្ចសន្យា៕