ចំនួនអ្នកមានវីរុសកូវីដ-១៩នៅទូទាំងប្រទេសកម្ពុជាកើនដល់១០៣នាក់ ក្រោយពីក្រសួងប្រកាសពីការរកឃើញករណីថ្មី១ទៀតលើស្រ្តីម្នាក់នៅប៉ោយប៉ែត។
តាមសេចក្តីជូនព័ត៌មានរបស់ក្រសួងសុខាភិបាលដែលចេញនៅថ្ងៃនេះ ស្រ្តីដែលទើបតែរកឃើញថាមានកូវីដ-១៩នោះ បម្រើការងារនៅស្តាធីវី (Star TV) រស់នៅភូមិប៉ាលេឡៃ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ តាមក្រសួង ស្រ្តីមានវ័យ៣៦ឆ្នាំរូបនេះ ត្រូវបានដាក់ឱ្យសម្រាកព្យាបាលនៅមន្ទីរពេទ្យបង្អែកខេត្តបន្ទាយមានជ័យ។
ក្រសួងសុខាភិបាលឱ្យដឹងថា គិតត្រឹមម៉ោង៩ព្រឹក ថ្ងៃទី២៩ ខែមីនានេះ អ្នកដែលក្រុមគ្រូពេទ្យកម្ពុជាបានព្យាបាលឱ្យជាសះស្បើយពីកូវីដ-១៩ មានចំនួន២១នាក់៕