ករណីអ្នកមានកូវីដ-១៩នៅកម្ពុជា កើនដល់ចំនួន៩៨ បន្ទាប់ពីក្រសួងសុខាភិបាលនៅថ្ងៃនេះ បានប្រកាសពីការរកឃើញអ្នកផ្ទុកវីរុសនេះចំនួន ២នាក់ថ្មីទៀតនៅយប់នេះ។
តាមសេចក្តីជូនព័ត៌មានរបស់ក្រសួងសុខាភិបាលដែលចេញនៅថ្ងៃទី២៦ ខែមីនា ២ករណីថ្មីនេះត្រូវបានរកឃើញលើជនជាតិឥណ្ឌូនេស៊ី ដែលពេលនេះពួកគាត់កំពុងសម្រាកព្យាបាលនៅមន្ទីរពេទ្យខេត្តសៀមរាប។ ពួកគាត់ត្រូវបានរកឃើញថា មានផ្ទុកកូវីដ-១៩ តាំងពីនៅក្រុងបាងកក ប៉ុន្តែ ដោយមិនមានប្រាក់បង់ថ្លៃពេទ្យនៅទីនោះ ទើបពួកគាត់សម្រចចិត្តមកព្យាបាលនៅកម្ពុជា។
ក្រសួងសុខាភិបាលអះអាងថា គិតត្រឹមថ្ងៃនេះ ក្រុមគ្រូពេទ្យកម្ពុជាបានព្យាបាលជាសះស្បើយអ្នកមានកូវីដ-១៩ ចំនួន១១នាក់ហើយ៕
