កម្ពុជាបានរកឃើញជនជាតិបារាំង២នាក់ទៀតនៅខេត្តព្រះសីហនុមានផ្ទុកកូវីដ-១៩ ដែលនាំឱ្យអ្នកមានវីរុសនេះនៅកម្ពុជាកើនដល់៩៣ករណី។
លោកនាយករដ្ឋមន្រ្តី ហ៊ុន សែន បានបញ្ជាក់បែបនេះក្នុងជំនួបជាមួយគ្រូពេទ្យស្ម័គ្រចិត្តចូលរួមព្យាបាលកូវីដ-១៩នាព្រឹកនេះ។
លោក ហ៊ុន សែន បានថ្លែងថា៖ «ទិន្នន័យរបស់ក្រសួងសុខាភិបាលគឺមាន៩១ករណី ប៉ុន្តែ ព្រឹកមិញនេះ ឯកឧត្តម គួច ចំរើន បានរាយការណ៍មកថា ជនជាតិបារាំង២នាក់ត្រូវបានឆ្លងបន្ថែមនៅឯខេត្តព្រះសីហនុ។ ចឹងឥលូវនេះ យើងឡើង៩៣ករណី»៕