យ៉ាងហោចណាស់ មនុស្ស៣៥នាក់បានស្លាប់ និងជាង៥០នាក់បានរងរបួសធ្ងន់ និងស្រាល ក្នុងហេតុការណ៍គ្រោះថ្នាក់ចរាចរណ៍នៃថ្ងៃចូលឆ្នាំប្រពៃណីជនជាតិចិនរយៈពេល៣ថ្ងៃ ដែលចំនួនស្លាប់ និងរបួសនេះ មានការថយចុះ៥នាក់បើប្រៀបធៀបឆ្នាំមុន។
របាយការណ៍គ្រោះថ្នាក់ចរាចរណ៍របស់នាយកដ្ឋានគរបាលចរាចរណ៍ផ្លូវគោកបានឲ្យដឹងថា រយៈពេល៣ថ្ងៃ នៃថ្ងៃបុណ្យចូលឆ្នាំថ្មីប្រពៃណីជនជាតិចិន-វៀតណាម គឺហេតុការណ៍គ្រោះថ្នាក់ចរាចរណ៍បានកើតឡើង៤៨ករណី ដោយបណ្តាលឱ្យមនុស្ស៣៥នាក់ស្លាប់ របួសធ្ងន់៣៨នាក់ និងរបួសស្រាល១៣នាក់។
របាយការណ៍នេះបញ្ជាក់ថា មូលហេតុចម្បងដែលបណ្តាលឲ្យកើតឡើងគ្រោះថ្នាក់ចរាចរណ៍ច្រើនជាងគេ គឺបើកបរលើសល្បឿនកំណត់ ដែលបានកើតឡើងរហូតទៅដល់១៥លើក។