វៀតណាមជាប់ចំណាត់ថ្នាក់លេខ២ក្នុងចំណោមប្រទេសចំនួន៣០ដែលបង្កភាពងាយស្រួលដល់ជនបរទេសទៅសុំសិទ្ធិរស់នៅ និងអាចរកចំណូលបានសមរម្យ។
របាយការណ៍សិក្សាដោយBusiness Insider ជាសារព័ត៌មានផ្នែកហិរញ្ញវត្ថុ និងមុខជំនួញរបស់សហរដ្ឋអាមេរិក ចេញផ្សាយរបាយការណ៍សិក្សាប្រចាំឆ្នាំ២០១៩ជនបរទេសដែលរស់នៅក្នុងប្រទេសវៀតណាមមានភាពងាយស្រួល ក្នុងការរកចំណូល ហើយពួកគេរីករាយជាមួយតួនាទីដែលកំពុងបំពេញ។
ក្រុមជនបរទេសនៅតាមជាតិសាសន៍ផ្សេងៗគ្នាថ្លែងប្រាប់ក្រុមអ្នកចុះទៅសិក្សាថា ការធ្វើសមាហរណកម្មរស់នៅងាយស្រួលហើយមានការស្វាគមន៍ពីអាជ្ញាធរមូលដ្ឋាន។
ជារៀងរាល់ឆ្នាំបណ្តាញអ្នករស់នៅក្រៅប្រទេសទទួលបានការស្នើសុំពីប្រទេស និងតំបន់ចំនួន១៨៧ ដើម្បីរស់នៅបំពេញការងារ ដែលពួកគេអាចទទួលយកបានតម្លៃចំណាយលើការរស់នៅប្រចាំថ្ងៃ និងការទទួលបានសេវាថែទាំសុខភាព។
របាយការណ៍បង្ហាញថា ក្នុងរយៈពេល៩ខែជនបរទេសសុំសិទ្ធិរស់នៅដើម្បីបំពេញការងារនៅក្នុងប្រទេសវៀតណាមមានចំនួន២០ ០០០នាក់ ហើយក្រុមទាំងនោះត្រូវឆ្លងកាត់ការសម្ភាសន៍ និងពិនិត្យលើលក្ខខណ្ឌផ្សេងៗដែលច្បាប់តម្រូវ។